您现在的位置:主页 > K酷生活 >空气刘海+最潮唇妆+防黑头

空气刘海+最潮唇妆+防黑头

2020-07-28 人气:495

明白大家都爱扫韩国护肤妆物,仲要未必係拣人人都知的大牌去追捧,反而好相信韩妹嘅真实用家反应。编辑部在弘大拦途截击20岁以下嘅学生妹sss,睇睇佢哋最近又用紧咩人气 韩国 夏日 美妆品 。

Text:CKL | Photo:Woody

01 | 拥有韩式空气刘海:Staroll USB髮圈

韩式空气刘海仲流行?係,热潮係稍退咗,但係依然炽热,人气女团Blackpink的Rose全新MV〈As If It’s Your Last〉里面首次尝试空气刘海造型,立即被人狂讚可爱,而且望落更年轻。

空气刘海+最潮唇妆+防黑头
Blackpink MV YouTube截图

要keep住空气刘海,一定要用髮圈,仲要係无时无刻得闲就用一用。韩国坊间有好多款USB髮圈,但据闻连EXID嘅Hani都用嘅「Staroll」最受欢迎。

空气刘海+最潮唇妆+防黑头
「Staroll 髮圈」购自Olive Young
空气刘海+最潮唇妆+防黑头
髮圈有38mm同埋50mm大细圈选择,只要捲住1分钟已经有理想/你想嘅鬈度。
空气刘海+最潮唇妆+防黑头
大学生김이주(20岁)
02 | 预防黑头必备:COSRX白头水

热到死嘅夏天又係面油白头黑头蒲头嘅季节,对女仔嚟讲,有黑头简直肉酸过生暗疮。所以响黑头未成形前,已经用定产品预防,去白头嘅专用护肤品。韩妹界最近大热推介COSRX AHA7白头水,只要敷响鼻头上,约5分钟洗走即可,一星期两次,就可拥有白滑鼻头。品牌强调成分係75%苹果水、7%果酸成分Glycolic Acid,算係mild唔怕太刺激,但店员都建议不宜用得太密。

空气刘海+最潮唇妆+防黑头
大型Aland专卖护肤品counter的都会见到。

空气刘海+最潮唇妆+防黑头

大学生양현진(21岁)
03 | 唔做「狐Seoul妹」:Labiotte香体膏

好少女仔有狐味,但如果出汗太劲都会无可避免有少少汗味。要keep住香的话香水係大家的好朋友,但香水始终挥发性太强,喷唔够一个钟已经无晒香味,所以韩妹好钟意用香体膏。

碌碌碌的香体膏挥发性低,碌两碌可以香半日。近日大热嘅有TonyMoly年轻副线LABIOTTE(话说我觉得TonyMoly已经感觉好年轻),之前推出嘅酒樽形唇彩疯魔韩国全城,新出嘅随身小香膏都係用酒樽形,瘦瘦长长大过润唇膏少少,放入袋易收藏。

虽然韩国香体膏有好多种,韩妹话拣LABIOTTE係因为佢强调无任何酒精成分,只用成分天然的基底油,敏感肌也一定用到。

空气刘海+最潮唇妆+防黑头
购自弘大LABIOTTE专门店

总共有4种味,韩妹推介呢款橙色Fine Fever係用柑橘油做基底;香气好清新亦好突出,唔会俗气。

空气刘海+最潮唇妆+防黑头
LABIOTTE柑橘味香体膏
空气刘海+最潮唇妆+防黑头
大学生박샘이 (20岁)
04 | 金所炫代言劲断货唇妆:Peripera

Peripera系列唇妆,价钱平又多色拣,一直都係韩妹的心水,加上仲有10代人气女星金所炫代言,更加受欢迎。Peri’s Ink Velvet今年SS全新5色一出即卖断巿,我走咗几间Olive Young先买到1支#15色Girlish Red。

空气刘海+最潮唇妆+防黑头
金所炫代言以来,Peripera唇妆都劲断货,尤其桃红色最难抢!

搽嘅时候质感好水润,但係得出嘅唇色係雾面感,最重要係持久6个钟都唔甩色。

空气刘海+最潮唇妆+防黑头
Peri’s Ink Velvet #15色Girlish Red唇妆(购自Olive Young)
空气刘海+最潮唇妆+防黑头
高中生김정은(18岁)
05 | 穴位按摩Mask:Mediheal面膜

Mediheal嘅Mask款式多又够搞鬼够噱头,一直好受超级热爱自拍嘅韩妹欢迎,老实讲除咗噱头其实佢哋嘅Mask又係几works所以先受欢迎嘅。强调所有产品都係经皮肤科医生测试,咁就可以保证安全啦。

近排最人气一定係呢款布满晒穴位按摩位置嘅Mask啦。一拎上手就见到好多点点,放上面后就跟住点点去按压下当按摩舒缓下啰。怕位置唔啱最好係对好两边眉头嗰两点位置先放上面。

空气刘海+最潮唇妆+防黑头
Mediheal穴位按摩Mask

参考下网友点放张面膜,记住金属点点向外:

空气刘海+最潮唇妆+防黑头

大学生이주연、임수빈、강세희(全部19岁)
延伸阅读:

空气刘海+最潮唇妆+防黑头